Gjennom pandemien har vi lært at digitale møte er heilt nødvendige om vi skal halde kontakten med kvarandre på tvers av avdelingar og kommunar. Vi har lært å sjå moglegheiter i den digitale verda! Ikkje minst handlar det om at når vi møtest digitalt kan mange spare reiseveg og fleire kan delta. Nettverket for kommunale ØH døgntilbod bestemte difor at i tillegg til fysiske samlingar, når mogleg, ville dei fortsetje med digital lunsjundervining. Ansvar for tema og opplegg går på omgang mellom ØH-avdelingane, og FOUSAM sender ut invitasjon og tar ansvar for det tekniske.
Over 40 fagpersonar møtte til lunsjundervisning, geografisk fordelt i grupper på kvar plass. Tema denne gongen var Palliasjon – dei nødvendige samtalene. Etter ei fin innleiing frå Sunnhordland interkommunale døgnavdeling ved Aasmund Storebø, fekk gruppene på kvar plass drøfte kva dei kan ta med seg inn i eigen arbeidskvardag.
Deltakarane meldte tilbake at dette var ein nyttig og praktisk måte få fagleg oppdatering på, og der refleksjonen i grupper på kvar arbeidsplass var eit viktig element.