Over tre dagar lærer helsetilsette i Helse Fonna-regionen om formidling, kommunikasjon, rettleiing og samhandling. Dei er på helsepedagogikkurs.

Kurset i Helsepedagogikk går over tre dagar kvar haust. Det blir arrangert på ulike tettstader i Helse Fonna, hausten 2019 blei det haldt på Stord.

Dag to omhandlar gode verktøy i møte med pasient og pårørande. Dagen startar med ein bolk som handlar om kognitiv og sosial læringsteori. Kva er det tankane gjer med oss?
– Tankane er ei viktig drivkraft i høve til korleis me forstår verda, og korleis me forstår samanhengen mellom tankar og kjensler, seier Sigrid Bøthun, leiar for psykisk helsevern ved Lærings- og meistringsnettverket i Helse Fonna.

Snart skal kursdeltakarane gjera praktiske oppgåver for å læra seg helsefremjande tenking og pedagogiske verktøy, i samarbeid mellom erfarne brukarar og helsepersonell.

Får konkrete verktøy

Kurs i helsepedagogikk er ein modul i det helsepedagogiske tilbodet hos FoU-eining for samhandling (FOUSAM). Målgruppa er tilsette og brukarar i spesialist- og kommunehelsetenesta som er engasjert i helsefremjande og førebyggande arbeid, på gruppe- eller på individnivå. Ei av dei som er kurs er Kjersti Halsne, helsesjukepleiar i Sveio kommune.
– Eg er på kurs for å få konkrete verktøy for å jobba på barneskule og med foreldre. Eg ser at me lærer mykje nyttig som eg kan bruka i jobben min, seier ho.

Livslang læring

Brukarrepresentant Alf Anvedsen meldte seg på kurset for å sjå korleis Lærings- og meistringssenteret jobbar med helsepedagogikk.
– Eg tenker på korleis eg kan bruka det i livet og i høve til familien min, seier 72-åringen som driv med presentering og veiledning som leiar av interessepolitisk utval i Brukarhuset i Helse Fonna-regionen.
– Eg er glad i å læra, seier han.

Feiar på kurs

Hildegunn Gram er den einaste feiaren på kurset. Ho er feiar i Stord brann- og redning og meldte seg på kurset saman med kollega Anna Lise Sortland som er ergoterapeut i Stord kommune. Dei to jobbar saman om å læra 78-åringar i kommunen om brannsikkerhet og tilrettelegging for å gå aldersdomen trygt i møte.
– Kurset er veldig kjekt og nyttig i høve til jobben vår, seier Gram. Sortland er eining.
– Det er praktisk nyttig for oss å gå på kurs saman, seier ho og fortel at dei lærer konkrete metodar for å gå i dialog med brukarar om kva dei kan gjera for å bli meir trygge.
– Det er viktig for oss å høyra frå erfaringsmedarbeidarar, seier Sortland.

Nye kurs

Helsepedagogikkurset blir laga av Lærings- og meistringsnettverket i Helse Fonna i samarbeid med læringskrefter frå Høgskulen på Vestlandet, med representantar frå Tysvær og Stord kommune, Helse Fonna og brukarrepresentantar. Neste helsepedagogikkurs blir arrangert neste haust i ein annan kommune i Helse Fonna.

FOUSAM fekk gode innspel frå erfaringskonsulentar og fagpersonar til korleis utvikla nye tilbod for og i samskaping med personar med rus og psykiske vanskar i Helse Fonna-området på workshop 28. oktober.

Etablerer ressursbase for Recovery College

Målet er å utvikla ein ressursbase for å utvikla recoverybaserte tenester for personar med rus og psykiske vanskar i Helse Fonna-området. Store kommunar som Sandnes har etablert eigne Recovery Colleges. Sidan det i Helse Fonna-området er mange små og mellomstore kommunar, kan det vera vanskelig å etablera eigne Recovery College i kvar kommune.
– Difor etablerer FOUSAM ein ressursbase i vårt samarbeidsområde, med pengestøtte frå Fylkesmannen i Rogaland og Vestland, der kommunar som ønsker å bygga lokal kompetanse kan møtast og hausta erfaringar frå andre når dei skal utvikla eigne tilbod, fortel Sigrid Bøthun, leiar for Lærings- og meistringsteamet i Helse Fonna.

Ressursbasen vil bli eit nettverk rundt arbeidet slik at kommunar og helseføretak i fellesskap kan etablera robuste ordningar etter prosjektperioden er ferdig. Ressursbasen er òg tenkt å ha eit nært og godt samarbeid med lokale brukarorganisasjonar på området.

Fekk gode innspel på workshop

Erfaringskonsulentar blei invitert inn i prosjektgruppa for Recovery ressursbase for å gi innspel til kva som er viktig å få inn i ein søknad om å gå vidare med i utvikling av ein modell.
– Arbeidsprosessen gav mange gode innspel som vil bli tatt med i arbeidet for ny søknad, fortel Sigrid Bøthun.

Prosjektgruppa består av: Marianne H. Wennersberg, leiar FOUSAM, Sigrid Bøthun, leiar av læring- og mestringsteamet i Helse Fonna og rådgjevar i FOUSAM, Bernt Netland, KORUS/Helse Fonna, Eva Biringer, Forskingsseksjonen Helse Fonna, Kristin Ådnøy Eriksen, Høgskulen på Vestlandet, Anne Veronica Kvilhaugsvik, Karmøy kommune, Elisabeth Haugen, Bømlo kommune. Erfaringskonsulentane i prosjektgruppa er: Veronica Lopez, FOUSAM og Haugesund kommune, Raymond Lunde, Bømlo kommune og Connie Straume, Helse Fonna.

Dette er Recovery

Recovery er ikkje ein beskytta tittel, men desse kvalitetskriteria blir gjerne brukt:

• Planlegging av kurs og gjennomføring av undervising skal gjerast i eit likeverdig samarbeid mellom brukarar og fagpersonar.
• Kursa skal organiserast som skuletilbod, der deltakarane er studentar.

• Skuletilbodet må vera recoveryorientert på alle plan og gi håp, kontroll og mogleikar for den enkelte.

Ny erfaringskonsulent

Den 1. september tilsette prosjektet Veronica Lopez som erfaringskonsulent i 20 % stilling. Ho skal vera med å utvikla modellen som skal ligga til grunn for ny søknad. I tillegg har fleire arbeidsgrupper jobba parallelt med å vidareføra aktivitetar frå tidlegare recoveryprosjekt i FOUSAM.
– Det er flott å få med Veronica Lopez som har erfaring med å driva Recoverykurs i Haugesund kommune, seier Sigrid Bøthun.

Hadde samling i Haugesund

Karmøy og Haugesund kommunar har mellom anna gjennom dette prosjektet, deltatt i nasjonalt nettverk for utvikling av Recovery colleges, saman med Høgskulen på Vestlandet,

Den siste samlinga i det nasjonale nettverket var i Haugesund 30.og 31.oktober. Då var prosjektet vertskapsmiljø, i samarbeid med NAPHA (Nasjonalt kompetansesenter for psykisk helsearbeid) og KBT (Kompetansesenter for brukererfaring og tjenesteutvikling).

Inviterer til deltaking

Prosjektet er medarrangør av oppfølgingsdag etter KS (kommunenes sentralforbund) sitt læringsnettverk innen recovery i perioden 2016-2018. Dagen blir arrangert på Stemnestaden i Tysvær 9.desember i samarbeid med KS, Fylkesmennene og KoRUS Vest og Sør.

Frist for å søke nye midlar er 31.12.19.

Fram til då vil prosjektgruppa gjerne bli kontakta for spørsmål om deltaking frå kommunar som ikkje allereie er involvert, seier Sigrid Bøthun.

Korleis skal vi møte personar med psykiske utfordringar på ein god måte når dei vert innlagt i kommunale øyeblikkeleg hjelp-døgntilbod (kommunale ØHD-tilbod)?

Dette var bestillinga frå tilsette og grunnen til at FOUSAM i samarbeid med  Fagnettverket for kommunale ØHD-døgntilbod, inviterte til fagdagar for alle tilsette. For at flest mogleg skulle kunne delta, vart det arrangert to like fagdagar, ein i Haugesund 23.mai, og ein på Stord 6. juni.

Wenche Evensen, erfaringsmedarbeider i Klinikk for psykisk helsevern, starta dagen med å gje innspel frå eit brukarperspektiv, eit innlegg med både humor og alvor som la grunnlaget for ein god dialog og skapte ettertanke og refleksjon hos deltakarane.

«Eg fekk betre forståing for korleis ta i mot og behandle personar med psykikse utfordringar, som er innlagt i ØH-seng»
(Sitat frå evalueringa)

• Les meir om Fagnettverk for kommunale ØH-døgntilbod her.

Camilla Åsbøe Heggland, psykologspesialist og seksjonsleiar og Aina Budal, funksjonsleiar i Karmøy DPS, hadde undervisning på Stord. Thomas Lundqvist, psykologspesialist og funksjonsleiar Akutt ambulant team, og Kenneth Hovda funksjonsleiar Akuttpost, hadde undervisning  i Haugesund. Alle fire er frå Klinikk for psykisk helsevern i Helse Fonna. Dei gav ei innføring i dei vanlegaste utfordringar personalet kan møte, årsakar og diagnosar og korleis dei kan møtast på ein trygg og fagleg god måte.

Det var stort engasjement hos deltakarane og mange spørsmål vart drøfta, både under innlegga og i workshop’en etterpå der dei arbeidde i grupper med case frå eigen arbeidskvardag.

”Dialog med førelesarane gjorde det til ein aktiv dag, der vi kunne spørje, lære og diskutere på same tid”.
(Sitat frå evalueringa)

Tilbakemeldingane i den elektroniske evalueringa, viste at alle var godt eller svært godt nøgd med dagen. Innlegget frå erfarinsmedarbeider og dialogen med førelesarane, vart spesielt trekt fram som positivt.

Prosjektgruppa konkluderer med at ein må auka fokus på barn som er pårørande.

Barn som er pårørande kan ha tøffe kvardagar og har rett til oppfølging av helsepersonell for å takle utfordringane når foreldre, søsken eller andre i familien er sjuke. Korleis få dette til å fungere i praksis, og spesielt med tanke på samhandlinga mellom kommunar og føretaket, var utgangspunktet for prosjektet som har involvert både somatikk og psykisk helsevern.

• Les prosjektrapporten her.

«Helsepersonell bør vera tøffare mot foreldre, legge fagleg fram for foreldre at det er viktig å informere alle i familien»
(Ungdomsrådet i Helse Fonna)

Prosjektet avdekka at sjølv om det å ta vare på barn som pårørande både er lovfesta og teke med i forpliktande samarbeidsavtalar mellom kommunar og føretak, er det fortsatt ein veg å gå i praksis. Føretaket hadde i stor grad prosedyrar og rutinar på plass, men eit stort potensiale til å bruke dei meir. Dei 5 kommunane som deltok i prosjektet,  hadde i liten grad kontaktperson, rutinar og prosedyrar på plass.

Barn som pårørande famnar bredt, det er mange som skal nås med informasjon og kompetanse.  Det handlar om samarbeid både innad i kommune og føretak, men òg på tvers av tenester, og ikkje minst handlar det om samarbeid mellom helse og barnehage/ skule. Her har Betre tverragleg innsats som er ei satsing i alle prosjektkommunane, vore viktig. Ungdomsrådet i Helse Fonna har vore aktivt med i prosjektet med innspel ut frå eigne erfaringar. Prosjektet har gjennomført fagdagar som har vore opne for både tilsette i kommunar og føretak, desse vil fortsetje framover. Det er òg planar for korleis kontaktpersonar for barn som pårørande frå kommunar og føretak kan møtast vidare.

«Tenke at det er like viktig å involvere ongane som dei vaksne
– eg fekk ikkje vite noko som helst, fekk vite alt på ein gang, har slitt på grunn av det»

Ungdomsrådet i Helse Fonna)

I prosjektet har kommunar og føretak arbeidd saman for å løyse utfordringane, og har via møtepunkt under vegs lært av og inspirert kvarandre til å skape ei endring i eigen kommune/ avdeling. Kontaktperson, rutinar og prosedyrar er no på plass i prosjektkommunane, og føretaket har auka bevisstheita rundt bruk av sine. For å nå ut til heile føretaket, er det utarbeidd ein handlingsplan.

Helse Fonna har vore prosjekteigar med midlar frå Helsedirektoratet via Barns beste og i ein prosjektperiode frå  januar 2017 til juni 2019. Bernt Netland har vore prosjektleiar og det har vore eit godt samarbeid mellom avdelingane og kommunane som deltok  i prosjektet, samt med  Fylkesmann, KORUS og FOUSAM.

• Kort omtale av prosjektet og kven som deltar i prosjektet.

• Les meir om tverrfagleg innsats her

• 

• 

• 

Faglig nettverk for folkehelse, helsefremming og forebygging arrangerte fagdag for kommunekontaktene og spesielt inviterte gjester på Tysværtunet 22. januar.

Hoved foreleser var professor Geir Sverre Braut og tema for dagen var:

Folkehelsearbeidet- i spenningsfeltet mellom helsetjenesten og befolkningen. Hvordan kan forebyggende arbeid og klinisk innsats trekke i samme retning? Ulike tema ble berørt, som f. eks:

• Hva legger vi i begrepene vi bruker om folkehelsearbeidet?
• Hva satser vi på i folkehelsearbeidet? Innsats for de store gruppene eller høyrisikogrupper?
• Hva er helse- hva er sykdom? og den politiske konteksten

På fagdagen ble det også presentert to lokale eksempler på redskaper/ tilnærming til folkehelsearbeid.  Eksemplene viste hvordan de jobbet med utfordringer og ressurser på ulike måter, og hvor viktig samhandling og gode forløp er for å skape helse og mestring hos innbyggerne. Inger Lise Bratteteig presenterte BTI som redskap for oppfølging, samhandling og hvordan få fram den aktuelle brukers stemme. Mens Marianne Fjeldheim presenterte resultater fra kols-rehabilitering i sykehuset og hvilken effekt intensivtrening hadde for den enkelt deltaker.

Gruppearbeidet som avsluttet dagen ble en nyttig øvelse i å konkretisere tema/problem for innsats i folkehelsearbeidet og bevisstgjøre oss på hvor innsatsen bør settes inn.

Ressursgruppa for nettverket bruker innspill fra fagdagen til å lage handlingsplan for 2019 og se på mulighetene for felles satsningsområder i Helse Fonna.